السلام عليكم ورحمة الله وبركاته
ناس كتير تسأل عن مميزات وعيوب السياره هيونداي ماتريكس او هيونداي لافيتا و للعلم الاتنين نفس السياره و الاختلافات بينهم فقط في الكماليات و ان موتور الماتريكس 1600 cc في حين موتور اللافيتا 1500 cc.. و هنبقى نعمل موضوع منفصل لشرح الفروقات بين الاتنين لاحقاً ان شاء الله دلوقتي نبدأ مع المميزات :
السياره هيونداي ماتريكس تتميز بتصميم فريد من نوعه و كان غريب جدا و نادر في الفتره اللي ظهرت فيها السياره.. التصميم ده الإعجاز فيه هو حجم السياره الصغير نسبيا من الخارج في نفس الوقت اللي حجم الصالون واسع جدا من الداخل.. تصميم السياره و الكراسي العاليه بيسهل عملية الدخول للسياره و الخروج منها خاصة لكبار السن و الأشخاص الذين يعانون من مشاكل في العمود الفقري
وضعية القياده داخل السياره ممتعه للغايه و تحس انك كاشف كل الطريق بدون اي صعوبات او عوائق و عدم وجود نقاط عمياء
مساحات الزجاج الأمامي و الأبواب كبيره جدا و تسمح بدخول الضوء للسياره بشكل كبير جدا و مساحة الزجاج الخلفي معقوله جدا و تسمح برؤيه جيده للطريق من الخلف
الكراسي الاماميه واسعه و مريحه جدا حتى بالنسبه للأشخاص طوال القامه و الكنبه الخلفيه واسعه و تشيل 3 أفراد بالغين مع وضعية جلوس مريحه طوال الطريق في نفس الوقت يمكن طي الكنبه الخلفيه او جزء منها حسب الاحتياج لزيادة حجم الشنطه
نيجي بقى للنقطه المهمه و اللي الجميع بيسأل عنها في تقييم اي سياره الا و هي الاعتماديه و قطع الغيار
السياره هيونداي ماتريكس من اكتر العربيات اللي ممكن تقابلها في السوق المصري اعتماديه.. هي بدون مبالغه سيارة الخدمه الشاقه. العربيه أعطالها قليله جدا و غير معقده و قطع الغيار متوفره بوفره في السوق المصري جديد و استعمال و بأسعار لا مثيل لها مما يسهل عملية الصيانه و يحافظ على حالة السياره الجيده بسهوله
استهلاك الوقود في الماتريكس المنوال ممتاز جدا و أفضل من عربيات كتيره في الفئه دي و في الاوتو الاستهلاك بيزيد شويه لكنه يبقى استهلاك معقول أيضا
ثبات السياره ممتاز حتى سرعة 160كم ساعه و لكن لا انصح باخد الملفات على سرعه أعلى من 100 كم ساعه نظرا لارتفاع هيكل السياره مما يسبب عدم اتزان في الملفات القاسيه..
عيوب السياره قليله جدا تتخلص في الاتي :
حجم الشنطه صغير جدا و لو اسره كبيره مسافره و معاها شنط كتير هتواجه مشكله في التخزين
كبالن السياره نقطة ضعف كبيره فيها و سرعان ما تتلف و يبدأ الكوبلن يطقطق علشان كده بتحتاج معامله خاصه في القياده انك متخدش الملفات على غيار.. يعني تمور العربيه في الملفات عشان تحافظ على الكوبلن و تطول عمره قدر الإمكان..
عزل السياره متوسط و صوت الموتور عالي و مسموع جدا داخل الكابينه..
فرامل العربيه ليست افضل شيء و تحتاج حرص شديد لان وزن العربيه تقيل جدا..دي أغلب المميزات و العيوب اللي لاحظتها خلال امتلاكي للسياره دي لفترات طويله و اتمنى اكون قدرت افيدكم بالمعلومات دي
ناس كتير تسأل عن مميزات وعيوب السياره هيونداي ماتريكس او هيونداي لافيتا و للعلم الاتنين نفس السياره و الاختلافات بينهم فقط في الكماليات و ان موتور الماتريكس 1600 cc في حين موتور اللافيتا 1500 cc.. و هنبقى نعمل موضوع منفصل لشرح الفروقات بين الاتنين لاحقاً ان شاء الله دلوقتي نبدأ مع المميزات :
السياره هيونداي ماتريكس تتميز بتصميم فريد من نوعه و كان غريب جدا و نادر في الفتره اللي ظهرت فيها السياره.. التصميم ده الإعجاز فيه هو حجم السياره الصغير نسبيا من الخارج في نفس الوقت اللي حجم الصالون واسع جدا من الداخل.. تصميم السياره و الكراسي العاليه بيسهل عملية الدخول للسياره و الخروج منها خاصة لكبار السن و الأشخاص الذين يعانون من مشاكل في العمود الفقري
وضعية القياده داخل السياره ممتعه للغايه و تحس انك كاشف كل الطريق بدون اي صعوبات او عوائق و عدم وجود نقاط عمياء
مساحات الزجاج الأمامي و الأبواب كبيره جدا و تسمح بدخول الضوء للسياره بشكل كبير جدا و مساحة الزجاج الخلفي معقوله جدا و تسمح برؤيه جيده للطريق من الخلف
الكراسي الاماميه واسعه و مريحه جدا حتى بالنسبه للأشخاص طوال القامه و الكنبه الخلفيه واسعه و تشيل 3 أفراد بالغين مع وضعية جلوس مريحه طوال الطريق في نفس الوقت يمكن طي الكنبه الخلفيه او جزء منها حسب الاحتياج لزيادة حجم الشنطه
نيجي بقى للنقطه المهمه و اللي الجميع بيسأل عنها في تقييم اي سياره الا و هي الاعتماديه و قطع الغيار
السياره هيونداي ماتريكس من اكتر العربيات اللي ممكن تقابلها في السوق المصري اعتماديه.. هي بدون مبالغه سيارة الخدمه الشاقه. العربيه أعطالها قليله جدا و غير معقده و قطع الغيار متوفره بوفره في السوق المصري جديد و استعمال و بأسعار لا مثيل لها مما يسهل عملية الصيانه و يحافظ على حالة السياره الجيده بسهوله
استهلاك الوقود في الماتريكس المنوال ممتاز جدا و أفضل من عربيات كتيره في الفئه دي و في الاوتو الاستهلاك بيزيد شويه لكنه يبقى استهلاك معقول أيضا
ثبات السياره ممتاز حتى سرعة 160كم ساعه و لكن لا انصح باخد الملفات على سرعه أعلى من 100 كم ساعه نظرا لارتفاع هيكل السياره مما يسبب عدم اتزان في الملفات القاسيه..
عيوب السياره قليله جدا تتخلص في الاتي :
حجم الشنطه صغير جدا و لو اسره كبيره مسافره و معاها شنط كتير هتواجه مشكله في التخزين
كبالن السياره نقطة ضعف كبيره فيها و سرعان ما تتلف و يبدأ الكوبلن يطقطق علشان كده بتحتاج معامله خاصه في القياده انك متخدش الملفات على غيار.. يعني تمور العربيه في الملفات عشان تحافظ على الكوبلن و تطول عمره قدر الإمكان..
عزل السياره متوسط و صوت الموتور عالي و مسموع جدا داخل الكابينه..
فرامل العربيه ليست افضل شيء و تحتاج حرص شديد لان وزن العربيه تقيل جدا..دي أغلب المميزات و العيوب اللي لاحظتها خلال امتلاكي للسياره دي لفترات طويله و اتمنى اكون قدرت افيدكم بالمعلومات دي
ليست هناك تعليقات:
إرسال تعليق